انسان کی عمر طویل ہو تو ساتھ صحت بھی ہو کیونکہ بغیر صحت کے انسان کو اپنی طویل زندگی بستر پر لیٹے اس مردے کی مانند لگتی ہے جو بے صبری سے موت کا انتطار کر رہا ہوتا ہے۔
لیکن آج ہم بات کریں اس خاتون کی جو 105 سال کی عمر میں بھی بلکل صحت مند ہیں اور مزے سے اپنی زندگی گزار رہی ہیں۔
جی ہاں! برطانیہ سے تعلق رکھنے والی اس خاتون کا نام کیتھلین ہیننگز ہے جنہوں نے گزشتہ ماہ اپنی 105ویں سالگرہ منائی ہے۔
غیر ملکی میڈیا کی رپورٹس کے مطابق، کیتھلین ہیننگز ریٹائرڈ اکاؤنٹنٹ ہیں جنہوں نے اپنی پوری زندگی لندن میں گزاری ہے۔
انہوں نے حال ہی میں ایک دیئے گئے انٹرویو میں اپنی طویل عمر کا راز بتاتے ہوئے ایک خاص مشروب کو اپنی طویل عمر کی وجہ قرار دیا ہے۔
کیتھلین کا کہنا تھا کہ، نو عمری میں ان کے والدین نے انہیں گنیز نامی ایک خاص مشروب سے متعارف کروایا تھا، جس کے بعد سے اب تک وہ ہر روز دوپہر کے کھانے کے ساتھ اس مشروب کا استعمال کرتی ہیں اور یہی ان کی طویل عمر کا راز ہے۔