نو منتخب امریکی صدر ڈونلڈ ٹرمپ کے مشیر ایلون مسک نے اقوام متحدہ میں ایران کے مستقل مندوب امیر سعید ایراوانی سے ملاقات کی ہے۔
امریکی ذرائع ابلاغ نے ملاقات کی تصدیق کرتے ہوئے بتایا کہ ملاقات میں دونوں ملکوں کے درمیان کشیدگی ختم کرنے کے حوالے گفتگو ہوئی ہے۔
ذرائع کا کہنا ہے کہ ایلون مسک اور امیر سعید ایراوانی کے درمیان خفیہ مقام پر ملاقات ایک گھنٹہ جاری رہی، ایرانی مندوب نے ایلون مسک کو تہران میں کاروبارشروع کرنے کی دعوت دی۔
دوسری جانب ڈونلڈ ٹرمپ کے کمیونیکیشن ڈائریکٹر اسٹیون شیئنگ کا کہنا ہے کہ وہ ایسی نجی ملاقات پر کوئی تبصرہ نہیں کریں گے جو شاید نہ بھی ہوئی ہو۔