مشہور فلم ہم ساتھ ساتھ ہیں کو رد نہیں کیا، مادھوری

سینئر بالی ووڈ اداکارہ مادھوری ڈکشٹ نے 25 سال بعد اپنی 1999 کی مشہور فلم ہم ساتھ ساتھ ہیں میں کردار ٹھکرانے کی افواہوں پر خاموشی توڑ دی۔

ایک حالیہ انٹرویو میں مادھوری نے واضح کیا کہ انہوں نے فلم کو رد نہیں کیا بلکہ یہ فیصلہ فلم کے ہدایتکار سورج برجاتیہ نے لیا۔

اداکارہ نے کہا کہ میری طرف سے انکار نہیں تھا، بلکہ میکرز کو یہ لگا کہ اگر میں سلمان خان کی بھابھی کا کردار نبھاں اور وہ آ کر میرے پیر چھوئیں، تو یہ عجیب لگے گا۔

بھارتی موسیقار اے آر رحمان اور انکی اہلیہ کے درمیان شادی کے 29 سال بعد علیحدگی

انہوں نے مزید کہا کہ یہ فیصلہ سورج جی کا تھا، نہ کہ میرا۔ وہ خود اس بات پر ہچکچاہٹ محسوس کر رہے تھے کہ مجھے اس کردار میں کاسٹ کریں۔یہ کردار بعد میں مشہور اداکارہ تبو نے ادا کیا اورفلم نے شاندار کامیابی حاصل کی۔

مادھوری نے ایک پرانے انٹرویو میں یہ بھی کہا تھا کہ اگر انہیں تبو کی جگہ کاسٹ کیا جاتا اور ناظرین سلمان کو ان کے پیر چھوتے دیکھتے، تو شاید سینما ہال میں لوگ شور مچاتے کیونکہ ’ہم آپ کے ہیں کون‘ میں سلمان اور مادھوری کی جوڑی ایک رومانوی انداز میں پیش کی گئی تھی۔