معروف اداکار شہریار منور کے حوالے سے گزشتہ کچھ دنوں سے سوشل میڈیا پر ایک خبر کافی وائرل ہو رہی ہے، جس میں بتایا جا رہا ہے کہ اداکار اس سال دسمبر میں شادی کرنے والے ہیں۔
ان کی شادی کی خبر سوشل پر آنے کے بعد سے صارفین میں ہلچل مچ گئی ہے کہ آیا ان کی ہونے والی دلہن کون ہے، اور ان کے مداح بھی یہ جاننا چاہ رہے ہیں کہ ان کے پسندیدہ اداکار نے کس کو اپنا جیون ساتھی چنا ہے۔
کچھ صارفین کا یہ دعویٰ ہے کہ شہریار منور اپنی ساتھی اداکارہ ماہین صدیقی سے شادی کرنے والے ہیں۔ کیونکہ شہریار نے کچھ وقت پہلے اپنی ایک انسٹا اسٹوری میں سرپرائز پارٹی دینے پر ماہین صدیقی کا شکریہ ادا کرتے ہوئے انہیں ’جان‘ کہہ کر پکارا تھا۔
واضح رہے شہریار منور نے اپنے ایک انٹرویو میں ڈھکے چھپے لفظوں میں اپنی شادی کی تصدیق بھی کی تھی۔