صرف 21 گھنٹوں کا ایک سال، سائنسدانوں نے انوکھا سیارہ دریافت کر لیا

ناسا سائنسدانوں نے ایک اور انوکھا سیارہ دریافت کیا ہے، جس کا ایک سال محض 21 گھنٹوں پر محیط ہے، یہ سیارہ سورج کے گرد ناقابلِ یقین حد تک قریب فاصلے پر چکر لگاتا ہے۔

سائنسدانوں کے مطابق ایسا سیارہ دریافت ہوا ہے، جہاں ایک سال محض 21 گھنٹوں پر محیط ہوتا ہے، انتہائی گرم سیارہ ہمارے نظامی شمسی میں موجود سیارے نیپچون کے سائز کے برابر ہے۔ یہ سیارہ اپنے سورج کے گرد ناقابل یقین حد تک قریب فاصلے پر چکر لگاتا ہے جس کے نتیجے میں اس کا سال انتہائی مختصر ہوتا ہے۔

ناسا نے کہا کہ یہ اپنی نوعیت کی چوتھی دریافت ہے، نیا سیارہ اس بات کا سراغ لگانے میں مدد دے سکتا ہے کہ اس طرح کے سیارے کیسے وجود میں آتے ہیں۔

پیمائش سے یہ بات سامنے آئی کہ یہ سیارہ نایاب کیٹگری ’ہاٹ نیپچونز‘ سے تعلق رکھتا ہے، یہ سیارے چھوٹے سائز کے ہیں اور اپنے سورج سے قربت اورمدار میں انتہائی مختصر چکر لگانے کی خصوصیات کے حامل ہوتے ہیں۔

یہ سیارہ صرف 21 گھنٹوں میں سورج کے گرد چکر پورا کرلیتا ہے، ابتک اس نوعیت کے محض 3 سیارے دریافت ہوچکے ہیں۔