لاہور: پاکستانی ٹی 20 ٹیم کو بہتر بنانے کے لیے اسٹرائیک فورس تشکیل دے دی گئی۔
ذرائع کے مطابق اسٹرائیک فورس 100 ہارڈ ہٹنگ بیٹرز پر مشتمل ہو گی۔ اور نوجوان کھلاڑیوں کو ہارڈ ہٹنگ کی تربیت دی جائے گی۔
اسٹرائیک فورس کے لیے پاکستان سے 100 بیٹرز کو منتخب کیا جائے گا۔ پروگرام کے لیے ہر6 ماہ بعد 50، 50 کھلاڑیوں کا انتخاب کیا جائے گا۔ جس مقصد ٹی 20 اسکواڈ کو بہتر اسٹرائیک ریٹ والے کھلاڑی مہیا کرنا ہے۔
یہ بھی پڑھیں: آئی سی سی چیمپئنز ٹرافی کا ممکنہ شیڈول سامنے آ گیا
ایک سال میں نیا ٹیلنٹ تیار کر کے ٹی 20 اسکواڈ کا حصہ بنایا جائے گا۔ اسٹرائیک فورس کو ٹی 20 ورلڈ کپ 2026 کے لیے مضبوط اسکواڈ کی تشکیل کا ٹاسک دیا گیا۔
تمام بیٹرز کی سلیکشن سابق آل راؤنڈر عبدالرزاق کی سربراہی میں ہو گی۔