ڈھاکہ: بنگلہ دیش نے بھارت سے سابق وزیر اعظم حسینہ واجد کی حوالگی کا مطالبہ کر دیا۔
غیر ملکی خبر رساں ایجنسی کے مطابق بنگلہ دیشی وزارت خارجہ نے سابق وزیر اعظم حسینہ واجد کی حوالگی کے لیے بھارت کو پیغام بھیج دیا۔
بنگلہ دیش کی وزارت خارجہ کا کہنا ہے کہ عدالتی کارروائی کے لیے حسینہ واجد کو حوالے کیا جائے۔
واضح رہے کہ سابق وزیر اعظم حسینہ واجد پر طلبا تحریک کے دوران ہلاکتوں کا الزام ہے۔ ان کی حکومت بڑے پیمانے پر انسانی حقوق کی خلاف ورزیوں کے الزامات بھی ہیں۔ جن میں ان کے ہزاروں سیاسی مخالفین کا ماورائے عدالت قتل شامل ہے۔
یہ بھی پڑھیں: بشار الاسد کی مشکلات میں اضافہ ، اہلیہ نے طلاق کیلئے روسی عدالت میں درخواست دیدی
بھارتی وزارت خارجہ اور شیخ حسینہ کے صاحبزادے سجیب واجد نے فوری طور پر اس حوالے سے کوئی جواب نہیں دیا۔
مسلسل 15 سال اقتدار میں رہنے کے بعد بنگلہ دیش کی سابق وزیر اعظم شیخ حسینی واجد 5 اگست کو استعفیٰ دے کر ہمسائے ملک بھارت فرار ہو گئیں تھیں۔