محکمہ موسمیات نے پنجاب کے بیشتر اضلاع میں موسم سرد اور خشک رہنے کی پیشگوئی کر دی ۔
نیشنل ویدر فورکاسٹنگ سینٹر اسلام آباد، پی ایم ڈی کے مطابق اتوارکے روز پنجاب کے بیشتر اضلاع میں موسم سرد اور خشک رہنے کی توقع ہے۔ مری، گلیات اور گردو نواح میں موسم شدید سرد رہے گا۔
رات اور صبح کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، ،ا وکاڑہ، ساہیوال، سرگودھا، خوشاب، ٹوبہ ٹیک سنگھ، حافظ آباد، فیصل آباد،جھنگ،بھکر، لیہ ، ملتان،بہاولپور، بہا ولنگر، رحیم یار خان ،ڈی جی خان اور گردونواح میں درمیانی سے شدید دھند /سموگ چھائے رہنے کی توقع ہے۔
موسم سرما میں گھریلو صارفین کو گیس کی بلاتعطل فراہمی یقینی بنائی جائے ، وزیر اعظم
جبکہ صبح کے اوقات میں خطہ پوٹھوہار میں چند مقامات پر کہرا پڑنے کی بھی توقع ہے۔