وزارت مذہبی امور کی جانب سے عازمین حج کیلئے اہم پیغام جاری کیا گیا ہے، جس کے مطابق وہ پیکج کی تبدیلی دو جنوری سے قبل کر سکتے ہیں۔
ترجمان وزارت مذہبی امور کے مطابق سرکاری اسکیم کے عازمین حج 2 جنوری سے قبل اپنا حج پیکج، روانگی کا مقام اور قربانی کے آپشن تبدیل کر سکتے ہیں،دو جنوری کے بعد کوئی تبدیلی نہیں ہو سکے گی۔
ملک بھر میں شدید سردی ، اسکردو میں پارہ منفی 13 تک گر گیا
ترجمان کا کہنا تھا کہ عازمین حج 2جنوری سے قبل اپنے متعلقہ بینک میں جا کرجو بھی تبدیلی کرانا چاہتے ہیں وہ کرا سکتے ہیں۔
سرکاری اسکیم کے عازمین حج کی دوسری قسط جمع کرانے کی تاریخ دو جنوری تک بڑھا دی گئی ہے، کامیاب ہونے والے تمام درخواست گزار متعلقہ بینک میں دوسری قسط جمع کرا دیں۔
ترجمان کے مطابق رقم نہ جمع ہونے کی صورت میں حج درخواست منسوخ تصور ہو گی اور اس پر کٹوتی بھی کی جائے گی۔