نیو گوادر انٹرنیشنل ایئر پورٹ سے متعلق امور پر اجلاس میں وزیراعظم نے کہا کہ نیو گوادر ائیرپورٹ پاکستان چین دوستی کی نمایاں مثال ہے، جدید سہولیات سے آراستہ ائیرپورٹ تعمیر کرنے پر چین کے مشکور ہیں۔
وزیراعظم شہباز شریف کی زیر صدارت اجلاس میں بریفنگ دی گئی کہ گوادر سے مسقط کیلئے پروازوں کا آغاز 10 جنوری 2025ء سے ہو جائے گا جبکہ پی آئی آئی کا کراچی گوادر موجودہ فلائٹ آپریشن جلد ہفتے میں تین دن کر دیا جائے گا۔
پیٹرول سستا اور ڈیزل مہنگا ہونے کا امکان
وزیراعظم نے کہا کہ نیو گوادر انٹرنیشنل ائیرپورٹ کے فعال ہونے سے علاقے میں خوشحالی آئے گی، ائیرپورٹ کے فعال ہونے سے روزگار کے مواقع پیدا ہوں گے،انہوں نے کہا کہ گوادر ائیرپورٹ کو مصروف بنانے کے لئے قابل عمل حکمت عملی ترتیب دی جائے۔
انہوں نے نیوگوادر انٹرنیشنل ایئر پورٹ اور بلوچستان کے دیگر علاقوں کے درمیان رابطہ سڑکوں کا نظام بہتر بنانے اور گوادر انٹرنیشنل ایئر پورٹ کے لیے فول پروف سیکیورٹی انتظامات کرنے کی ہدایات دیں۔
اجلاس میں نیو گوادر انٹرنیشنل ائیر پورٹ کی آپریشنلائزیشن پر تفصیلی بریفنگ دی گئی، بریفنگ میں بتایا گیا کہ نیوگوادر انٹرنیشنل ایئرپورٹ رقبے کے لحاظ سے ملک کا سب سے بڑا ہوائی اڈہ ہے، گوادر ایئرپورٹ اے380 ہوائی جہازوں کو ہینڈل کر سکتا ہے،گوادر ایئر پورٹ سے 40 لاکھ مسافر سالانہ سفر کر سکیں گے۔