ٹریفک پولیس نے سال نو کے موقع پر ڈی ایچ اے کے رہائشیوں اور دیگر افرادکے لیے ٹریفک پلان جاری کردیا۔
کراچی ٹریفک پولیس کے مطابق متبادل راستوں والےعلاقوں کے رہائشی اپنا اصل شناختی کارڈ دکھاکر جاسکیں گے۔
ٹریفک پلان کے مطابق اختر کالونی سے براستہ خیابان اتحاد سی ویو کا روڈ بند ہوگا، سی ویویا کے اطراف جانے والے 26 اسٹریٹ سے ہوتے ہوئے جاسکیں گے۔
ٹریفک پولیس کے مطابق دو تلوار سے عبداللّٰہ شاہ غازی مزار جانے والی سڑک ٹریفک کےلیے بند ہوگی، عبداللّٰہ شاہ غازی مزار سے 26 اسٹریٹ جانے والی سڑک بھی بند ہوگی۔
ٹریفک پلان کے مطابق ماڑی پور روڈ سے براستہ جناح برج مائی کولاچی ہیوی ٹریفک کو اجازت نہیں ہوگی۔
ڈاکٹر ضیاالدین روڈ لکی سگنل تک ٹریفک کےلیے بند ہوگا جبکہ پی آئی ڈی سی چوک سے کلب روڈ بھی ٹریفک کے لیے بند ہوگا۔
ٹریفک پولیس کا بتانا ہے کہ بغیر سائیلنسر والی گاڑیوں اور موٹرسائیکلوں کے خلاف کارروائی ہوگی، غیرذمہ داری سے گاڑی اور موٹرسائیکل چلانے والوں کے خلاف بھی کارروائی کی جائے گی۔