سرکاری ڈسکوز اور کےالیکٹرک کے صارفین کے لیے بڑی خوشخبری آ گئی ہے، بجلی کی قیمت میں واضح کمی کا اعلان کر دیا گیا۔ نیشنل الیکٹرک پاور ریگولیٹری اتھارٹی (نیپرا) نے سرکاری ڈسکوز کے لیے فی یونٹ بجلی 75 پیسے جبکہ کےالیکٹرک صارفین کے لیے 49 پیسے سستی کرنے کی منظوری دے دی ہے۔
ذرائع کے مطابق، یہ کمی فیول پرائس ایڈجسٹمنٹ کی مد میں کی گئی ہے، جہاں سرکاری ڈسکوز کے لیے نومبر اور کےالیکٹرک کے لیے اکتوبر کے حساب سے یہ فیصلہ لیا گیا۔ حکومت کی کوشش ہے کہ عوام کو ہر ممکن ریلیف فراہم کیا جائے، اور بجلی کی قیمت میں مزید 10 روپے فی یونٹ کمی کے اقدامات بھی زیر غور ہیں۔
نیپرا کے جاری کردہ نوٹیفکیشن کے مطابق صارفین کو یہ ریلیف جنوری کے بلوں میں ملے گا۔ یہ خبر نہ صرف عوام کے لیے سکون کا سانس ہے بلکہ حکومت کی جانب سے توانائی کے شعبے میں اصلاحات کی عکاسی بھی کرتی ہے۔