حسن جہانگیر پاکستانی میوزک انڈسٹری کے لیجنڈ ہیں۔ ان کا گانا "ہوا ہوا" تین نسلوں سے مداحوں کا پسندیدہ ہے۔ وہ پاکستانی موسیقی میں ایک شخصیت اور منفرد انداز لائے۔ وہ اب بھی اتنے ہی فٹ ہیں اور ان کے گانے اب بھی کاپی کیے جا رہے ہیں۔
حال ہی میں حسن جہانگیر نے ایف ایچ ایم پوڈ کاسٹ میں شرکت کی جہاں انہوں نے اپنے کیریئر، فٹنس اور فیشن کے بارے میں بات کی۔
حسن جہانگیر نے بتایا کہ وہ کس طرح میگزین کی ریسرچ کرتے تھے اور لنڈا بازار جا کے کپڑے خریدتے تھے تاکہ وہ بہترین آؤٹ فٹ تیار کر سکیں، جو آگے چل کر مشہور ہو گئے۔
انہوں نے یہ بھی بتایا کہ، برصغیر میں اسٹیج پر شرٹ اتارنے کا انداز انہوں نے متعارف کرایا جسے بعد میں بالی ووڈ سپر اسٹار سلمان خان سمیت ہر جگہ کاپی کیا گیا۔
ان کا کہنا تھا کہ، وہ 80 کی دہائی میں اسٹار تھے اور وہ اسٹیج پر شرٹ اتارتے تھے۔ جبکہ سلمان خان نے کافی بعد میں ڈیبیو کیا اور پھر یہ انداز اپنایا۔