اسکلڈ ورکر ویزا (Skilled Worker Visa) ایک ایسا ویزا ہے جو غیر ملکی شہریوں کو برطانیہ میں کام کرنے کے لیے اجازت دیتا ہے، بشرطیکہ وہ کسی تصدیق شدہ کمپنی کے ساتھ ملازمت کریں۔ اس نے سابقہ ’ٹائر 2 (جنرل) ورک ویزا‘ کی جگہ لے لی ہے۔
درخواست دہندہ کو کچھ ضروری اہلیت کی شرائط پوری کرنی پڑتی ہیں۔
٭ اس ویزا کے لیے آپ کو ایک آفر لیٹر کی ضرورت ہوتی ہے جو ہوم آفس سے منظور شدہ ہو، اور آپ کے پاس سرٹیفکیٹ آف سپانسرشپ (سی او ایس) بھی ہونا چاہیے جس سے یہ ثابت ہو کہ آپ کو ملازمت کی پیشکش کی گئی ہے۔
٭ آپ کو کم از کم تنخواہ ملنی چاہیے، جو آپ کی ملازمت کی نوعیت اور سی او ایس کی تاریخ کے مطابق طے کی جاتی ہے۔
٭ اس ویزا کے لیے درخواست دینے والے کو انگریزی زبان پر عبور حاصل ہونا ضروری ہے، اور درخواست کے وقت انگریزی کی قابلیت کو ثابت کرنا پڑتا ہے۔
٭ اس ویزا کی درخواست کی فیس 719 سے 1639 پاؤنڈز تک ہوتی ہے، اور ہر سال 1035 پاؤنڈز ہیلتھ کیئر سرچارج کی مد میں ادا کرنا پڑتا ہے۔ برطانیہ پہنچنے پر آپ کے بینک اکاؤنٹ میں کم از کم 1270 پاؤنڈز ہونا ضروری ہے۔ اور اگر آپ کی ملازمت، امیگریشن کی تنخواہ کی فہرست میں شامل ہے تو آپ کو کم درخواست فیس ادا کرنی ہوگی۔
٭ اسکلڈ ورکر ویزا حاصل کرنے کے لیے کم از کم سالانہ تنخواہ 38,700 پاؤنڈز ہونی چاہیے۔ اگر آپ کی ملازمت امیگریشن سیلری لسٹ میں شامل ہے تو کم از کم تنخواہ 30,960 پاؤنڈز ہو سکتی ہے۔
٭ اس ویزا کے تحت آپ پانچ سال تک برطانیہ میں رہ سکتے ہیں، اور اس دوران آپ کو نوکری تبدیل کرنے یا ویزا کی میعاد ختم ہونے پر توسیع کی درخواست دینی ہوتی ہے۔