قومی کرکٹ ٹیم کے سیلیکٹر اسد شفیق کا کہنا ہے کہ فخر زمان کے ساتھ اوپننگ کا فیصلہ سلیکشن کمیٹی میچ سے پہلے کرے گی۔
چیمپئنز ٹرافی اسکواڈ سے متعلق اپنے ویڈیو بیان میں ان کا کہنا تھا کہ اوپننگ کا جو بھی فیصلہ کریں گے میچ اور کنڈیشن کو دیکھتے ہوئے کریں گے جو فیصلہ لیں گے امید ہے ٹیم کیلئے اچھا ہوگا۔
اسد شفیق کا کہنا تھاکہ فخر زمان کے ساتھ رابطے میں تھے، فخر زمان مکمل فٹ ہیں جبکہ صائم ایوب مکمل فٹ نہیں، سلیکشن کمیٹی کبھی نہیں چاہتی کہ کسی کھلاڑی کی صحت پر رسک لیں کیونکہ صائم ایوب ٹیم کا مستقبل ہے وہ جب بھی فٹ ہونگے کم بیک کریں گے۔
چیمپئنز ٹرافی کیلئے قومی سکواڈ کا اعلان،فخر زمان ،خوشدل شاہ،سعود شکیل اور فہیم اشرف کی واپسی
آئی سی سی چیمپئنز ٹرافی 2025 کیلئے15 رکنی قومی اسکواڈ کا اعلان کردیا گیا ہے،محمد رضوان قومی کرکٹ ٹیم کے کپتان ہوں گے۔
وزیراعظم7 فروری کو قذافی سٹیڈیم کا افتتاح کریں گے ،محسن نقوی
ٹیم میں فخرزمان ،خوشدل شاہ ،سعود شکیل اور فہیم اشرف کی واپسی ہوئی ہے ،15رکنی اسکواڈ میں بابراعظم،کامران غلام، طیب طاہر اور سلمان علی آغا بھی شامل ہیں،عثمان خان،ابراراحمد اورحارث رؤف بھی 15رکنی اسکواڈ کا حصہ ہیں،محمد حسنین،نسیم شاہ اور شاہین شاہ آفریدی بھی 15رکنی اسکواڈ میں شامل ہیں۔