اداکارہ اشنا شاہ کی جانب سے ڈرامے کی شوٹنگ کے دوران اپنا خون نکلوانے کی ویڈیو وائرل ہوگئی، جس پر صارفین نے دلچسپ تبصرے بھی کیے۔
وائرل مختصر ویڈیو ڈرامے کی شوٹنگ کی ہے، جس کی شوٹنگ کے دوران اداکارہ نے حقیقی خون نکلوایا۔
ڈرامے کے ایک منظر میں اداکارہ بیمار پڑجاتی ہیں، جس وجہ سے انہیں اپنے ٹیسٹ کروانے پڑتے ہیں اور وہ بلڈ ٹیسٹ کے لیے لیبارٹری پہنچتی ہیں اور انہوں نے اسی منظر کی حقیقی ویڈیو انسٹاگرام پر شیئر کردی۔
اداکارہ نے ویڈیو شیئر کرتے ہوئے بتایا کہ انہوں نے اس ڈرامے کے لیے نہ صرف پسینہ بہایا بلکہ انہوں نے اپنا خون بھی دیا اور سب لوگ دیکھ سکتے ہیں کہ وہ اپنا خون دے رہی ہیں۔
اداکارہ کی جانب سے شیئر کردہ ویڈیو میں میڈیکل اسٹاف کی جانب سے ان کا حقیقی خون نکالنے کے لیے اداکارہ کو انجکشن لگاتے ہوئے دیکھا جا سکتا ہے۔
اشنا شاہ کی جانب سے شیئر کردہ ویڈیو ڈرامے کے ایک منظر شوٹ کرنے کی ویڈیو ہے، جس میں کیمرامین سمیت دیگر عملے کو بھی دیکھا جا سکتا ہے۔