ماضی کی مقبول اداکارہ و ٹی وی میزبان نادیہ خان نے دعویٰ کیا ہے کہ ابھرتے ہوئے نوجوان اداکار شجاع اسد بولی وڈ اسٹار سلمان خان سے اچھے اداکار ہیں۔
نادیہ خان نے حال ہی میں ایک شو میں شجاع اسد کی ’عشق جنون‘ نامی ڈرامے میں اداکاری پر بات کرتے ہوئے ان کی تعریفیں کیں۔
ڈرامے میں موجود دیگر مبصرین سینئر اداکاراؤں عتیقہ اوڈھو اور مرینہ خان نے بھی شجاع اسد کی ڈرامے میں اداکاری کی تعریفیں کیں اور ان کے ایکٹنگ اسکلز کو نیچرل قرار دیا۔
اسی شو میں بات کرتے ہوئے نادیہ خان نے بھی شجاع اسد کی تعریفیں کیں اور انہوں نے دعویٰ کیا کہ وہ سلمان خان سے بھی اچھے اداکار ہیں۔
نادیہ خان نے شو میں کہا کہ انہیں بہت سارے مداحوں نے میسیج کرکے کہا کہ وہ پروگرام میں یہ بات ضرور کریں کہ شجاع اسد بولی وڈ اداکار سلمان خان کے مشابہ لگتے ہیں۔
اداکارہ نے کہا کہ واقعی بھی شجاع اسد بھارتی اداکار کے نوجوانی کے ہم شکل لکتے ہیں۔
انہوں نے اپنی بات کو جاری رکھتے ہوئے کہا کہ سلمان خان بہت بڑے اسٹار اور اداکار ہیں لیکن حقیقت یہ ہے کہ شجاع اسد ان سے اچھے اداکار ہیں۔
نادیہ خان نے واضح کیا کہ سلمان خان بڑے اسٹار ہیں، اس میں کوئی شک نہیں لیکن شجاع اسد ان سے اچھے اداکار ہیں۔
ان کا کہنا تھا کہ شجاع اسد نے ’عشق جنون‘ کے ڈرامے میں جو اداکاری کی ہے، وہ کمال کی اداکاری ہے، انہوں نے نیچرل اداکاری کی اور وہ سلمان خان سے اداکاری کے حوالے سے اچھے اداکار ہیں۔
نادیہ خان کی جانب سے ابھرتے ہوئے اداکار کو بولی وڈ سپر اسٹار سے بھی اچھا قرار دیے جانے پر سوشل میڈیا صارفین نے تعجب کا اظہار کرتے ہوئے اداکارہ کو آڑے ہاتھوں لیا۔
زیادہ تر صارفین نے کہا کہ دونوں اداکاروں کا کوئی موازنہ نہیں، سلمان خان کی جگہ کوئی نہیں لے سکتا۔