چینی سائنسدانوں نے ’تیانگ گانگ‘ نامی ایک جدید روبوٹ تیار کر لیا ہے جو انسانوں کی طرح دوڑنے کی صلاحیت رکھتا ہے۔
رپورٹ کے مطابق، اس روبوٹ کے مزید تجربات جاری ہیں، اور اسے جلد ہی ایک عالمی ریسنگ مقابلے میں پیش کیا جائے گا۔
چین میں روبوٹکس انڈسٹری میں تیزی سے ترقی ہو رہی ہے، اور اس میدان میں بڑی سرمایہ کاری کی جا رہی ہے۔ روبوٹس مختلف شعبوں میں استعمال ہو رہے ہیں، اور تیانگ گانگ الٹرا اس سلسلے میں ایک اہم پیش رفت ہے۔
رپورٹ کے مطابق، 13 اپریل کو بیجنگ میں ایک خصوصی ریسنگ مقابلہ منعقد کیا جائے گا، جس میں روبوٹس اور انسان الگ الگ ٹریکس پر دوڑیں گے۔ اس مقابلے میں دنیا بھر کی روبوٹ بنانے والی کمپنیوں کو شرکت کی دعوت دی گئی ہے، اور اب تک 23 کمپنیوں نے اپنے روبوٹس کو رجسٹر کروا لیا ہے۔