فیس بک نے صارفین کو آن لائن پیسے کمانے کا ایک اور موقع فراہم کر دیا

مقبول ترین سوشل میڈیا ویب سائٹ فیس بک اپنے صارفین کو آن لائن پیسے کمانے کا ایک اور موقع فراہم کر رہی ہے-

رپورٹ کے مطابق فیس بک نے ایک ایسا فیچر متعارف کروایا ہے جس کی مدد سے اب صارفین اپنی آمدنی میں مزید اضافہ کرسکتے ہیں-

کمپنی کی جانب سے متعارف کروائے گئے اس فیچر کے ذریعے صارفین فیس بک پر پبلک اسٹوریز ویوز سے بھی پیسے کما سکیں گے۔ پیسے کمانے کا یہ نیا آپشن عالمی سطح پر ان کریٹیرز کے لیے متعارف کرایا گیا ہے جو فیس بک کانٹینٹ Monetiazation پروگرام کا حصہ ہیں۔

درحقیقت اس نئے آپشن کے ذریعے صارفین اس مواد سے بھی پیسے کما سکیں گے جو وہ پہلے ہی تیار کرچکے ہیں۔

اس کو ایسے سمجھ لیں کہ اگر آپ کوئی ویڈیو یا ریل پہلے ہی بنا چکے ہیں تو اب اس کا کچھ حصہ دوبارہ اسٹوری کی شکل میں پوسٹ کر کے ایک مرتبہ پھر اس سے کمائی حاصل کرسکتے ہیں

میٹا کے ایک ترجمان نے بتایا کہ اسٹوریز کے ذریعے کمانے کا موقع صارفین کو مواد کی پرفارمنس کی بنیاد پر ملے گا اور انہیں اس کے لیے ویوز کی کسی مخصوص حد کو حاصل کرنے کی بھی ضرورت نہیں ہوگی۔

فیس بک کے اس نئے پروگرام کا مقصد صارفین کی حوصلہ افزائی کرنا ہے تاکہ وہ سوشل میڈیا پلیٹ فارم کے لیے زیادہ مواد کی تیار کریں۔

فیس بک کانٹینٹ Monetiazation پروگرام میں شامل افراد کو اسٹوریز سے پیسے کمانے کے لیے کچھ بھی کرنے کی ضرورت نہیں وہ براہ راست اس کا حصہ بن چکے ہیں۔

خیال رہے کہ فیس بک نے کانٹینٹ Monetization پروگرام کو گزشتہ سال متعارف کرایا تھا اور کروڑوں صارفین کو اس کا حصہ بننے کی دعوت کی دی تھی۔