پاکستان سپر لیگ (پی ایس ایل) سیزن 10 کے 16 ویں میچ میں لاہور قلندرز نے ملتان سلطانز کو پانچ وکٹوں سے شکست دے دی ہے۔
سنیچر کو لاہور کے قذافی سٹیڈیم میں لاہور قلندرز کی ٹیم نے 186 رنز کا ہدف 19 اوورز میں پانچ وکٹوں کے نقصان پر حاصل کیا۔
لاہور قلندرز کی جانب سے ڈیرل مچل 64 رنز بنا کر نمایاں رہے جبکہ سکندر رضا نے 39 رنز کی ناقابلِ شکست اننگز کھیلی۔ان کے علاوہ عبداللہ شفیق 34، فخر زمان 28، محمد نعیم چھ اور سیم بِلنگز صفر پر آؤٹ ہوئے۔سلطانز کی جانب سے عبید شاہ نے دو جبکہ محمد حسنین، جوش لیٹل اور عاکف جاوید نے ایک، ایک کھلاڑی کو آؤٹ کیا۔
لاہور قلندرز نے ٹاس جیت کر پہلے فیلڈنگ کا فیصلہ کیا تھا۔ جس کے بعد ملتان سلطانز نے بیٹنگ کرتے ہوئے مقررہ اوورز میں تین وکٹوں کے نقصان پر 185 رنز بنائے تھے۔
ملتان سلطانز کی جانب سے کپتان محمد رضوان اور کامران غلام نے بالترتیب 76 اور 52 رنز کی ناقابل شکست اننگزکھیلی تھی۔
ان کے علاوہ یاسر خان 24، عثمان خان 18 اور شائے ہوپ نو رنز بنا کر آؤٹ ہوئے۔
لاہور قلندرز کی جانب سے ٹام کرن، حارث رؤف اور ڈیرل مچل نے ایک، ایک کھلاڑی کو آؤٹ کیا.
اس میچ کے بعد پی ایس ایل کے رواں ایونٹ میں دونوں ٹیموں نے چھ ، چھ میچز کھیل لیے ہیں۔
یوں لاہور قلندرز نے چھ میچز میں حصہ لے کر تین میچز جیتے ہیں اور پوائنٹس ٹیبل پر اس کا دوسرا نمبر ہے۔
ملتان سلطانز نے چھ میچز میں سے صرف ایک ہی میچ جیتا ہے اور پوائنٹس ٹیبل پر وہ آخری نمبر پر ہے۔
لاہور قلندرز کی ٹیماس میچ میں فخر زمان، محمد نعیم، عبداللہ شفیق، ڈیرل مچل، سیم بِلنگز (وکٹ کیپر)، سکندر رضا، شاہین شاہ آفریدی (کپتان)، آصف علی، حارث رؤف، ٹام کرن اور آصف آفریدی لاہور قلندرز میں شامل تھے۔ملتان سلطانز کی ٹیم اس میچ محمد رضوان (کپتان)، شائے ہوپ، یاسر خان، عثمان خان (وکٹ کیپر)، کامران غلام، مائیکل بریسویل، افتخار احمد، محمد حسنین، عاکف جاوید، عبید شاہ اور جوش لیٹل ملتان سلطانز کا حصہ تھے۔