مکین اداس ! ویران بحریہ ٹاؤن کا مستقبل کیا ہوگا؟

بحریہ ٹاؤن کے چیئرمین ملک ریاض حسین کے خلاف عدالتی فیصلے آنے اور قانون نافذ کرنے والے اداروں کی کارروائیوں کے بعد بحریہ ٹاؤن کے مکینوں میں شدید بے چینی سے دوچار ہیں، بحریہ ٹاؤن کے پراپرٹی کی خرید وفروخت کی سرگرمیاں نہ ہونے کے برابر رہ گئیں ہیں۔ بحریہ ٹاؤن میں اداسی نے ڈیرے ڈالے ہوئے ہیں اور مکین مستقبل کے حوالے سے غیر یقینی صورتحال سے گزر رہے ہیں۔

عدالتی فیصلے کے مطابق ملک ریاض حسین کی پراپرٹی کی نیلامی کا عمل بھی شروع ہوچکا ہے، وفاقی وزیر اطلاعات عطا اللہ تارڑ اور قومی احتساب بیورو کی جانب سے کہا گیا ہے کہ ملک ریاض حسین کے خلاف قانونی کارروائیوں کا بحریہ ٹاؤن کے مکینوں سے کوئی تعلق نہیں، الاٹیز کے جملہ حقوق محفوظ ہیں لیکن جملہ حقوق سے کیا مراد ہے ؟ خاص طور پر ایسی صورتحال میں جب الاٹیز کے پاس لیز بھی نہیں ہے۔ بحریہ ٹاؤن کراچی کے مکین اس صورتحال کو کس نظر سے دیکھتے ہیں اس کے لیے وڈیو دیکھیں۔