بالی ووڈ کے دبنگ اسٹار سلمان خان نے ایک مرتبہ پھر اپنی زندگی کے سب سے بڑے راز پر بات کر کے سب کو چونکا دیا۔
’’بگ باس 19‘‘ کے آغاز میں شریک ایک مہمان نے ان سے پوچھا کہ کیا سچا پیار ہمیشہ ادھورا ہی رہ جاتا ہے؟ اس سوال پر سلمان خان نے ہلکی مسکراہٹ کے ساتھ کہا: ’’مجھے نہیں معلوم، کیونکہ مجھے تو اب تک کبھی سچا پیار ہوا ہی نہیں۔ نہ کچھ مکمل ہوا اور نہ ہی ادھورا رہا۔‘‘
سلمان خان کا یہ جواب سن کر شو کا ماحول ایک دم پرجوش ہوگیا۔ مداح حیران رہ گئے کہ آخر وہ اداکار، جس کا نام کئی معروف چہروں کے ساتھ جڑتا رہا، آج تک حقیقی محبت کو تسلیم کیوں نہیں کر پایا۔
ان کی زندگی میں ایشوریا رائے، کترینہ کیف اور سنگیتا بجلانی جیسے نام سامنے آتے رہے، مگر کوئی رشتہ پائیدار ثابت نہ ہو سکا۔ کچھ تعلقات دوستی میں بدل گئے اور کچھ تلخ انداز میں ختم ہوئے، لیکن شادی کا فیصلہ کبھی نہ ہو پایا۔
اب جب کہ سلمان خان 58 برس کے ہو چکے ہیں، مداحوں میں یہ سوال اور بھی گہرا ہو گیا ہے کہ آیا وہ کبھی شادی کے بندھن میں بندھیں گے یا پھر ہمیشہ ’’فار ایور سنگل‘‘ کہلائیں گے۔
ان کے حالیہ بیان نے مداحوں کے درمیان ایک نئی بحث کو جنم دے دیا ہے اور سوشل میڈیا پر ایک ہی سوال گونج رہا ہے: کیا سلمان خان کو کبھی سچا پیار ملے گا یا وہ ہمیشہ اکیلے ہی رہیں گے؟