سہ ملکی ٹی20 سیریز: افغانستان نے پاکستان کو 18 رنز سے ہرا دیا

سہ ملکی سیریز کے چوتھے میچ میں افغانستان نے پاکستان کو 18 رنز سے شکست دے دی ہے۔

افغانستان نے پاکستان کو جیت کے لیے 170 رنز کا ہدف دیا تھا۔

شارجہ میں جاری میچ میں ٹاس جیت کر پہلے بیٹنگ کرتے ہوئے افغانستان نے مقررہ اوورز میں 5 وکٹوں کے نقصان پر 169 رنز سکور کیے۔

افغانستان کی جانب سے ابراہیم زادران 65 اور صدیق اللہ اٹل 64 رنز بنا کر نمایاں رہے۔ رحمان اللہ گربز 8، محمد نبی 6 اور عظمت اللہ عمرزئی 4 رنز کے انفرادی سکور پر پویلین لوٹے۔

کریم جنت  اور کپتان راشد خان  8، 8 رنز بنا کر ناٹ آؤٹ رہے۔

پاکستان کی جانب سے فہیم اشرف نے 4 کھلاڑیوں کو آؤٹ کیا جبکہ صائم ایوب نے 1 وکٹ حاصل کی۔

پاکستان نے ہدف کے تعاقب میں 20 اوورز میں 151 رنز بنائے اور 9 وکٹیں کا نقصان ہوا۔ حارث رؤف اور سفیان مقیم ناٹ آؤٹ رہے۔

پاکستان کی طرف سے حارث رؤف نے سب سے زیادہ 34، جبکہ فخر زمان نے 25رنز بنائے۔

افغانستان کی جانب سے فضل الحق فاروقی، راشد خان، محمد نبی اور نور احمد نے دو، دو وکٹیں حاصل کیں۔