چین میں دنیا کا سب سے بلند ترین پل "ہواجیانگ گرینڈ کینین برج" 28 ستمبر کو باضابطہ طور پر ٹریفک کے لیے کھول دیا جائے گا۔
دنیا کا سب سے اونچا پل صوبہ گوئیژو میں تعمیر کیا گیا ہے جس کی بلندی 625 میٹر ریکارڈ کی گئی ہے جو امریکا کے مشہور ورلڈ ٹریڈ سینٹر سے بھی زیادہ اونچا ہے۔
تقریباً تین سال کے عرصے میں تعمیر ہونے والے اس پل پر 283 ملین ڈالر لاگت آئی ہے۔ پل کی کل لمبائی 2 ہزار 890 میٹر ہے جبکہ اس کا مرکزی اسپین 1 ہزار 420 میٹر پر محیط ہے۔
یہ پل افتتاح کے ساتھ ہی دو عالمی ریکارڈ اپنے نام کرے گا، ایک دنیا کا سب سے اونچا پل اور دوسرا پہاڑی علاقے میں سب سے بڑے اسپین والا پل کا ریکارڈ ہے۔
ماہرین کے مطابق یہ پل انجینئرنگ کا ایک شاہکار ہے جو زلزلوں اور سخت موسمی حالات کو برداشت کرنے کی صلاحیت رکھتا ہے۔ اس منصوبے سے نہ صرف مقامی سطح پر ٹرانسپورٹ اور سفر کے وقت میں کمی آئے گی بلکہ علاقے کی معاشی ترقی اور سیاحت کو بھی فروغ ملے گا۔
یہ پل چین کی "بیلٹ اینڈ روڈ" مہم کا اہم حصہ قرار دیا جا رہا ہے جو پہاڑی علاقوں میں رابطوں کو بہتر بنانے کے لیے ڈیزائن کی گئی ہے۔