ایران نے اسرائیل کے لیے جاسوسی کے الزام میں بہمن چوبی نامی شخص کو پھانسی دے دی۔ ایرانی عدلیہ کے سرکاری میڈیا ونگ میزان کے مطابق ملزم کو اسرائیل کے سب سے اہم جاسوسوں میں سے ایک قرار دیا گیا تھا۔
رپورٹ میں بتایا گیا کہ بہمن چوبی موساد کے لیے ایران کے سرکاری اداروں کے ڈیٹا بیس تک رسائی حاصل کرنے اور حساس ڈیٹا سینٹرز میں رخنہ ڈالنے کی کوششوں میں ملوث تھا۔ اس نے الیکٹرانک آلات کی درآمد کے راستوں سے متعلق اہم معلومات بھی موساد کو فراہم کیں۔
رپورٹ کے مطابق ایرانی سپریم کورٹ نے ملزم کی اپیل مسترد کرتے ہوئے سزائے موت برقرار رکھی اور اسے زمین پر فساد پھیلانے کا مجرم قرار دیا۔