دہم سائنس وجنرل گروپ کے سالانہ امتحانی فارمز کی تاریخ میں توسیع

تفصیلات کے مطابق چیئرمین میٹرک بورڈ نے کہا کہ یہ فیصلہ حکومت سندھ کی جانب سے تعلیمی درسگاہوں میں موسم سرما کی تعطیلات ہونے کے باعث طلبہ و طالبات اور ان کے والدین کو سہولت فراہم کرنے کی غرض سے کیا گیا ہے تاکہ ایسے امیدوار جو اپنے والدین کے مالی وسائل کی وجہ سے اب تک فارم جمع نہیں کرا سکے ہیں وہ محروم نہ رہ جائیں ۔ اس ضمن میں یہ بھی واضح کیا گیا ہے کہ 13جنوری کے بعد پہلے سے دیئے گئے شیڈول کے مطابق لیٹ فیس کے ساتھ فارم وصول کئے جائیں گے اور بغیر لیٹ فیس کی وصولی کی تاریخ میں کسی بھی قسم کی توسیع نہیں کی جائے گی۔