لاہور قلندرز اور ایم سی سی کے مابین ٹی ٹوئنٹی میچ آج کھیلا جائے گا

نوائے وقت  |  Feb 14, 2020

لاہور:  مارلی بون کرکٹ ٹیم (ایم سی سی) اور لاہور قلندرز کے مابین ٹی ٹوئنٹی میچ آج کھیلا جائے گا۔

قذافی اسٹیڈیم لاہورمیں کھیلے کیا جانے والا میچ پاکستانی وقت کے مطابق شام پانچ بجے شروع ہو گا جو یوٹیوب سمیت لاہور قلندرز کے سوشل میڈیا اکاؤنٹ پر دیکھایا جائے گا۔

لاہور قلندرز کی قیادت سہیل اختر کریں گے جبکہ دیگر کھلاڑیوں میں محمد حفیظ، سلمان بٹ، فخر زمان، شاہین شاہ آفریدی، حارث رؤف، دلبر حسین، عثمان شنواری، جاہد علی، اور فیضان خان شامل ہوں گے۔

ماہرین کے مطابق لاہور قلندرز کو بہترین گیند بازوں کی بدولت ایم سی سی پر فوقیت حاصل ہے۔

خیال رہے ایم سی سی 48 سال بعد گزشتہ روز سری لنکا کے سابق کپتان کمارسنگاکارا کی قیادت میں پاکستان پہنچی تھی۔

مہمان ٹیم نے قذافی اسٹیڈیم لاہور میں پریکٹس کی، بعد ازاں کپتان کمارسنگا کارا چیف ایگزیکٹو پاکستان کرکٹ بورڈ (پی سی بی) وسیم خان کے ہمراہ پریس کانفرنس بھی کی۔

واضح رہے ایم سی سی کے کپتان کمار سنگا کارا 11 سال بعد پاکستان آئے ہیں ۔

اس کے علاوہ 16 فروری کو ایم سی سی کی ٹیم پاکستان شاہین کے ساتھ میچ کھیلے گی جبکہ  17 فروری کو ناردرن اور 19 فروری کو ملتان سلطانز کے ساتھ میچ کھیلے گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More