کورونا وائرس کو شکست دینے کے لئے ایرانی قوم کا بڑا اقدام۔۔۔ فوج بھی آگئی میدان میں

سچ ٹی وی  |  Feb 26, 2020

ایرانی صدر حسن روحانی نے وائرس کے خلاف مقابلہ کرنے کے حوالے طبی عملے کا شکریہ ادا کیا کہا کہ وائرس کے پھیلاؤ کے کنٹرول کی طرف جا رہے ہیں۔ کورونا وائرس کا مقابلہ کرنے کے لئے ایرانی فوج بھی تیار ہو گئی۔

اسلامی جمہوریہ ایران کی فوج کی کوآرڈینیشن کمیٹی کے نائب سربراہ ایڈمرل سیاری نے تہران میں اپنے بیان میں کہا کہ ایرانی فوج کورونا وائرس کا مقابلہ کرنے کے لئے وزارت صحت کے ساتھ ہر طرح کا تعاون کرنے کے لئے تیار ہے ،، وزیردفاع امیر حاتمی نے کہا کہ کورونا وائرس کا مقابلہ کرنے کے لئے روزانہ بیس ہزار ٹن اینٹی انفیکشن دوا تیار کی جارہی ہے۔

ایرانی وزیر خارجہ محمد جواد ظریف نے اپنے پیغام میں کہا کہ کورونا وائرس کا مقابلہ کرنے کے لئے کوئی سرحد نہیں ہے اور نہ ہی اس حوالے سے کسی قوم، نسل اور مذہب کے درمیان فرق ہے ایران اس جیسی بیماریوں کی روک تھام کے لئےمشترکہ مرکز قائم کرنے اور زیادہ سے زیادہ علاقائی تعاون کی امید رکھتا ہے۔

مزید جانیے: پاک ایران تفتان بارڈر بند، اب کوئٹہ تفتان ٹرین سروس بھی معطل۔۔۔لیکن کیوں؟ اہم وجہ نے سب کو تشویش میں ڈال دیا

ایران کے نائب وزیر صحت ایرج حریرچی بھی کرونا وائرس کا شکار ہوگئے، اپنے ویڈیو پیغام میں انہوں نے خود ٹیسٹ مثبت آنے کی تصدیق کردی ایران کے رکن پارلیمنٹ محمود سدیگی نے بھی کرونا وائرس کا شکار ہونے کی تصدیق کر دی اس سے قبل وزیر صحت ایرج حریرچی کو پریس کانفرنس کے دوران کھانستے ہوئے دیکھا گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More