اسلام آباد یونائیٹڈ کی چھٹی وکٹ 81 رنز پر گر گئی

اردو نیوز  |  Mar 08, 2020

پاکستان سپر لیگ کے اہم میچ میں اسلام آباد یونائیٹڈ اور ملتان سلطانز پنڈی کرکٹ سٹیڈیم میں مدمقابل ہیں۔ 

اسلام آباد یونائیٹڈ کی بیٹنگ جاری ہے۔ اس وقت اسلام آباد نے چھ وکٹوں کے نقصان کے 81  رنز بنا رکھے ہیں۔

 

یونائیٹڈ کی جانب سے  لیوک رونکی اور کولن منرو نے اننگز کا آغاز کیا۔ لیوک رونکی 18 رنز بنا کر جنید خان کی گیند پر رلی روسو کے ہاتھوں کیچ آؤٹ ہوئے۔

مزید پڑھیں

سلطانز اور کراچی کنگز کا میچ بارش کی نذر

Node ID: 463336

پی ایس ایل فائیو کے ٹاپ پرفارمرز

Node ID: 463396

بارش سے متاثرہ میچ میں زلمی فاتح قرار

Node ID: 463461

کولن منرو کو عمران طاہر نے آؤٹ کیا۔ وہ 25 رنز بنا کر سہیل تنویر کے ہاتھوں کیچ آؤٹ ہوئے۔ انہوں نے تین چھکے اور ایک چوکا لگایا۔

یونائیٹڈ کو تیسرا نقصان کولن انگرم کی صورت میں اٹھانا پڑا۔ وہ معین علی کی گیند پر جیمز وینس کو کیچ تھما بیٹھے۔  اسلام آباد کے کپتان شاداب خان عمران طاہر کا شکار بنے۔ وہ 12 رنز بنا کر معین علی کے ہاتھوں کیچ آؤٹ ہوئے۔

آصف علی چار رنز بناکر جنید خان کی گیند ہر انہیں ہی کیچ تھما بیٹھے۔  یونائیٹد کی چھٹی وکٹ 81 کے مجموعی سکور پر گری جب رضوان حسین رن آؤٹ ہوئے۔

اس سے قبل ملتان سلطانز کے کپتان شان مسعود نے ٹاس جیت کر اسلام آباد یونائیٹڈ کو بیٹنگ کی دعوت دی۔ 

DON'T ANGRY ME!!!!

Imran Tahir has a more explosive celebration than usual as he dismisses Shadab!

Play & win cash prizes: https://t.co/Bmz3ZQ7b62 pic.twitter.com/YO0mRKXdha

— PakistanSuperLeague (@thePSLt20) March 8, 2020

راولپنڈی میں اتوار کی صبح  ہونے والی بارش کے سبب پنڈی کرکٹ سٹیڈیم کے آؤٹ فیلڈ میں پانی جمع تھا جس کی وجہ سے میچ مقررہ وقت دپہر دو بجے شروع نہیں ہوسکا۔ اب میچ چار بجے شروع ہوگا  اور میچ کو نو اوورز ایک اننگز تک محدود کر دیا گیا ہے۔

دونوں ٹیموں کے درمیان اس سے قبل کھیلے گئے میچ میں اسلام آباد یونائیٹڈ نے سلطانز کو آٹھ وکٹوں سے شکست دی تھی۔

Here are the lineups for this rain-shortened 9-over match. #IUvMS #HBLPSLV pic.twitter.com/zkaTtwtkaR

— PakistanSuperLeague (@thePSLt20) March 8, 2020

پوائنٹس ٹیبل پر ملتان سلطانز کی ٹیم چھ میچوں میں سے چار جیت کر نو پوائنٹس کے ساتھ سرفہرست ہے۔ جب کہ اسلام آباد یونائیٹڈ نے آٹھ میں سے تین میچ جیتے ہیں اور اس کے چھ پوائنٹس ہیں۔

اگر آج کے میچ میں یونائیٹڈ کو شکست ہوتی ہے توان کے  پلے آف تک رسائی کے امکانات کم ہو سکتے ہیں۔

اتوار کو دوسرے میچ میں لاہور کے قذافی اسٹیڈیم میں میزبان لاہور قلندرز کا مقابلہ کراچی کنگز سے ہو گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More