انڈین فوج کی توہین کا الزام، ایکتا کپور کے خلاف مقدمے کی درخواست

اردو نیوز  |  Jun 06, 2020

انڈیا کے مشہور یوٹیوبر 'ہندوستانی بھاؤ' عرف عرفان فاتک نے اداکارہ ایکتا کپور اور ان کی والدہ شوبھا کپور کے خلاف پولیس کو درخواست دی ہے کہ دونوں نے اپنے ویب ٹی وی کے شو میں فوج کی توہین کی ہے، مقدمہ درج کر کے قانونی کارروائی کی جائے۔

انڈیا میں شوبز کی مشہور ویب سائٹ بالی وڈ ہنگامہ ڈاٹ کام کے مطابق ویب شو میں ایک انڈین فوجی کی بیوی کو ایک شخص کے ساتھ آفیئر چلاتے ہوئے دکھایا گیا ہے جس میں وہ اپنے شوہر کی یونیفارم محبوب کو پہناتی ہے اور بعد ازاں اس کو پھاڑ دیتی ہے۔

مزید پڑھیںبالی وڈ کے شہنشاہ: ’معصومیت کی عمر گزر گئی‘Node ID: 473966ٹِک ٹاک سٹار جنت مرزا کو بالی وڈ کی فلم کی پیشکشNode ID: 477206

ہندوستانی بھاؤ جن کو بگ باس سیریز 13 سے شہرت ملی تھی، نے کھر پولیس سٹیشن میں دی گئی درخواست میں کہا ہے کہ شو تیار کرنے والے افراد کے خلاف کارروائی کی جائے۔

انسٹاگرام پر پوسٹ کی گئی ایک ویڈیو میں ہندوستانی بھاؤ نے کہا ہے کہ پولیس کے پاس شکایت درج کرانے کے بعد ان کو متعدد فون کالز اور پیغامات میں معاملے کو مل بیٹھ کر حل کرنے کی پیش کش کی جا رہی ہے۔

ان کا دعویٰ ہے کہ کئی اہم شخصیات نے بھی ان سے معاملے کو حل کرنے کے لیے رابطہ کیا مگر انہوں نے ایکتا اور شوبھا کپور سے بات کرنے سے انکار کیا ہے اور وہ چاہتے ہیں کہ دونوں اداکارائیں انڈین فوج کے سپاہیوں کی توہین کرنے پر معافی مانگیں۔

واضح رہے کہ ایکتا کپور بالی وڈ کے ماضی کے مشہور اداکار جیتندر کی صاحبزادی اور مشہور ٹیلی ویژن پروڈیوسر ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More