قومی کرکٹر شعیب ملک کی اہلیہ ثانیہ مرزا نے کرکٹر بابر اعظم کو جان سے مارنے کی دھمکی دے دی۔
پاکسان کرکٹ ٹیم کے سابق کپتان شعیب ملک کی اہلیہ اور بابر اعظم انسٹاگرام پر لائیو سیشن میں بات چیت کررہے تھے جس پر شعیب ملک نے ان سے ایک سوال کیا جس کا بابر اعظم نے سادہ سا جواب دیا۔
بابر اعظم کے جواب پر بھارتی ٹینس اسٹار ثانیہ مرزا کا ردعمل سامنے آیا جسے دیکھ کر قومی کرکٹ ٹیم کے بلے بازبھی حیران رہ گئے کیونکہ انہیں ثانیہ مرزا نے جان سے مارنے کی دھمکی دی۔
ہوا کچھ ایسا کہ شعیب ملک نے سوال کیا کہ قومی کرکٹرز کی اہلیہ میں آپ کی سب سے پسندیدہ بھابھی کون سی ہیں؟ جس پر بابر اعظم نے کہا کہ یہ کافی مشکل سوال ہے، بابر نے پوچھا کہ ایک کا نام بتانا ہے؟
شعیب ملک نے کہا جی ہاں ایک ہی نام بتانا ہے، بابر نے کافی سوچ بچار کرنے کے بعد جواب دیتے ہوئے کہا کہ سیفی بھائی یعنی سرفراز احمد کی اہلیہ خوش بخت سرفرار عادت کے لحاظ سے پسند ہیں۔
بابر اعظم کے اس جواب پر ٹوئٹر پر سرفراز احمد کی اہلیہ خوش بخت سرفراز نے تو خوشی کا اظہار کیا لیکن دوسری بھابھی ثانیہ مرزا نے مزاحیہ انداز میں بابر اعظم کو جان سے مارنے کی دھمکی دی انہوں نے کہا کہ میں تمہیں جان سے مار دوں گی۔