عاصم اظہر نے حال ہی میں دیئے گئے انٹرویو میں کردیئے تہلکہ خیز انکشافات، جانئے خبر میں

سچ ٹی وی  |  Jul 07, 2020

نجی چینل کو انٹرویو دیتے ہوئے گلوکار عاصم اظہر نے شادی سے متعلق ایک سوال کے جواب میں کہا کہ فی الحال انہوں نے شادی کا نہیں سوچا ہے اور نہ ہی ان کی امی نے خواہش ظاہر کی ہے وہ شادی کے بندھن میں بندھے۔ میری امی کو پتہ ہے کہ میرا تمام کام میوزک کے لیے وقف ہے۔

حال ہی میں “تم تم” گانا ریلیز کرنے والے عاصم اظہر کا کہنا ہے کہ وہ اپنے کام میں سو فیصد نتیجہ دینے کے قائل ہیں۔

ان کا کہنا تھا کہ فی الحال میں میوزک پہ توجہ دے رہا ہوں تو اس کے ساتھ ساتھ شادی شدہ زندگی پرتوجہ دینا مشکل ہوجائے گی۔ سوچتا ہوں کہ اگر شادی ہوجاتی ہے تو میں رات کے چار بجے گانا کیسے ایڈٹ کر پاوں گا، کیونکہ مجھے فکر ہوگی کہ گھر میں کیا ہورہا ہے۔

گلوکار عاصم اظہر، جنہوں نے حال ہی میں ہانیہ عامر، اسد صدیقی، ٹک ٹاک اسٹار اریکا حق، سنگر رامس، طلحہ یونس، طلحہٰ انجم اور گلوکار تیمور صلاح الدین کے ساتھ “تم تم” ریلیز کردیا ہے، کا مزید بتانا ہے کہ آنے والے چند سالوں میں وہ شادی کرہی لیں گے۔

انڈسٹری میں کسی لڑکی سے شادی کرنے کے سوال کے جواب میں عاصم اظہر کا کہنا تھا کہ اس حوالے سے وہ کچھ نہیں کہہ سکتے۔ اس حوالے سے وہ اسد اور زارا اور یاسر حسین اور اقراء عزیز سے ضرور مشورہ کریں گے کیونکہ وہ شادی سے بڑے خوش دکھائی دے رہے ہیں۔

ریلیز ہونے کے بعد عاصم کے تم تم گانے کو اب تک 12 لاکھ سے زائد لوگ اور ان کے مداح دیکھ چکے ہیں۔

اس سال فروری میں گلوکار عاصم اظہر نے ہانیہ عامر کو ان کی 23ویں سالگرہ پر خاص انتظامات کرتے ہوئے ایک سرپرائز پارٹی کا اہتمام کیا تھا۔

عاصم اظہر نے امریکی ٹی وی سیزن ’اسٹرینجر تھنگز‘ کی تھیم پر پارٹی کے انتظامات کیے تھے اور کیک پر بھی اسٹرینج تھنگز سیزن 23 لکھوایا تھا کیونکہ یہ ہانیہ کی 23ویں سالگرہ تھی۔ عاصم آنکھوں پر پٹی باندھ کر ہانیہ کو پارٹی میں لے کر آئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More