بلوچستان میں سرکاری گاڑی کے خلاف قانون استعمال پر ذمہ دار افسر کو عہدے سے ہٹا دیا گیا۔
ترجمان بلوچستان حکومت کے مطابق سرکاری وسائل کے غلط استعمال کا نوٹس لیتے ہوئے چیف سیکریٹری بلوچستان نے مذکورہ افسر کو ہٹاتے ہوئے معاملے کی تحقیقات کا حکم دے دیا ہے تاکہ ذمہ داروں کا تعین کیا جاسکے۔
صوبائی حکومت کے ترجمان کا کہنا ہے کہ چیف سیکریٹری نے واضح کیا کہ قانون سب کے لیے برابر ہے اور اختیارات کا ناجائز استعمال ہرگز برداشت نہیں کیا جائے گا۔
چیف سیکریٹری بلوچستان کے مطابق یہ عمل شفاف حکمرانی اور جوابدہی کی پالیسی کا حصہ ہے جو موجودہ حکومت کی اولین ترجیحات میں شامل ہے۔