آئندہ سال پاکستانی معیشت کی بحالی کا امکان ہے ، آئی ایم ایف

بول نیوز  |  Jul 11, 2020

آئی ایم ایف کا پاکستان کی معیشت سے متعلق انتہائی اہم بیان سامنے آگیا جس کے تحت آئندہ سال پاکستانی معیشت کی بحالی کا امکان ہے۔

تفصیلات کے مطابق آئی ایم ایف نے ملکوں کے پالیسی اقدامات کے عنوان سے رپورٹ میں کورونا وائرس پر قابو پانے کےلئے حکومتی اقدامات کو اجاگر کیا گیا ہے۔

 رپورٹ میں کہا گیا ہے کہ پاکستانی حکومت نے اپریل کے وسط سے صوبوں کےساتھ روابط کے ذریعے لاک ڈاون میں بتدریج نرمی کرتے ہوئے صنعتوں کواپنی سرگرمیاں بحال کرنے کی اجازت دی۔

آئی ایم ایف رپورٹ میں یہ بھی کہا گیا ہے کہ چھوٹی دکانوں کو بھی نئے ایس او پیز پر عملدرآمد کےساتھ دوبارہ کھولنے کی اجازت دی گئی جبکہ وفاقی حکومت نے 24 مارچ کو 12 سو ارب روپے کے امدادی پیکیج کا اعلان کیا ہے۔

کورونا کیخلاف جنگ میں پاکستان کیلئے بڑی خوشخبری،آئی ایم ایف نے ریلیف دے دی

رپورٹ میں مزید کہا گیا ہے کہ اندرون ملک پروازوں ،ٹرین کی خدمات اور بین الاقوامی پروازوں کی بحالی سےاندرون ملک اور بیرون ملک نقل و حرکت پر عائد پابندیاں بھی ہٹا دی گئی ہیں۔

آئی ایم ایف کی رپورٹ میں کوروناوائرس کی وبا کے معاشی اثرات میں کمی لانے کےلئے وفاقی اور صوبائی حکومتوں کے اہم اقدامات کا بھی تذکرہ کیا گیا ہے جبکہ کورونا وائرس کے بحران کے آغاز سے صوبائی حکومتیں موثر مالیاتی اقدامات پر عملدرآمد کررہی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More