دس گھنٹے لائٹ نہیں ہوگی تو پانی کیسے آئے گا؟ نصرت سحر عباسی کا سوال

بول نیوز  |  Jul 11, 2020

نصرت سحر عباسی نے سوال کیا ہے کہ کراچی میں اگر دس گھنٹے لائٹ نہیں ہوگی تو پانی کیسے آئے گا؟

تفصیلات کے مطابق نصرت سحر عباسی نے پی ٹی آئی کے دھرنے میں میڈیا سے گفتگو کرتے ہوئے کہا ہے کہ راجہ اظہر کی قیادت میں لگائے گئے دھرنے میں اظہار یکجہتی کے لئے آئی ہوں۔

نصرت سحر کا کہنا تھا کہ کے الیکٹرک کی انتظامیہ کا رویہ نا قابل برداشت ہیں اور تیس ارب کی سبسڈی ملنے کے باوجود بل زیادہ آرہا ہے، انکا دماغ کیوں خراب ہے ہمیں معلوم کرنا ہے۔

انہوں نے کہا ہے کہ کے الیکٹرک کو کون قابو کریگا کے الیکٹرک کلر ہے اس قاتل کو کون پکڑے گا؟

 ان کا کہنا تھا کہ کراچی کی عوام کو سندھ حکومت سے کچھ نہیں ملے گا اور بلاول جو اے پی سی کر رہے ہیں، کے الیکٹرک پر بھی اے پی سی کرلو اور ماں کی سیاست بچا لو۔

ان کا کہنا تھا کہ وفاقی حکومت اور عمر ایوب سب کو کچھ کرنا ہے کیونکہ پپلز پارٹی یہاں بارہ سال سے اقتدار میں ہے لیکن انہوں نے کچھ نہیں کیا۔

نصرت سحر کا کہنا تھا کہ کے الیکٹرک کو اگر پپلز پارٹی نے پہلے ٹھیک کردیا ہوتا تو آج احتجاج نہیں کرنا پڑتا۔

انہوں نے مزید تنقید کرتے ہوئے کہا کہ فضل الرحمان اور زرداری کی ملاقات کسی سازش سے کم نہیں ہے ۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More