امریکی اداکارہ کشتی کی سیر کے دوران ڈوب کر ہلاک

سماء نیوز  |  Jul 11, 2020

امریکی اداکارہ نایا رویرا کے بارے میں پولیس حکام کا خیال ہے کہ وہ وہ لاس اینجلس کے قریب ایک جھیل میں ڈوب گئی ہیں، تاہم حکام کو 24 گھنٹے کی تلاش کے بعد بھی لاش نہیں مل سکی ہے۔

خبر رساں ادارے رائٹرز کے مطابق 33 سالہ نایا رویرا اپنے چار سالہ بیٹے جوزی کے ہمراہ جھیل پیرو کی سیر پر نکلی تھیں، اس مقصد کے لیے انہوں نے کشتی بھی کرائے پر حاصل کی تھی۔

پولیس حکام کے مطابق اداکارہ گزشتہ چوبیس گھنٹوں سے لاپتہ ہیں اور ان کے بارے میں گمان کیا جا رہا ہے کہ وہ حادثے کے نتیجے میں جھیل میں ڈوب کر ہلاک ہو گئی ہیں۔

اداکارہ کا بیٹا جھیل میں تیرتی ہوئی کشتی پر اکیلا ملا ہے جس نے پولیس حکام کو بتایا کہ وہ اپنی والدہ کے ساتھ تیراکی پر گیا تھا لیکن والدہ واپس نہیں آئیں۔

View this post on Instagram I'll love you forever, I'll like you for always, as long as I'm living, my baby you'll be. Happy birthday Josey! Love Mommy ❤️

A post shared by Naya Rivera (@nayarivera) on Sep 17, 2019 at 10:14am PDT

پولیس حکام کے مطابق کسی مجرمانہ سرگرمی کا سراغ نہیں ملا تاہم فی الحال کسی نتیجے پر پہنچنا قبل از وقت ہوگا، ہیلی کاپٹر اور کشتیوں کے ذریعے ایک سو سے زیادہ اہلکار اداکارہ کی تلاش جاری رکھے ہوئے ہیں۔

امریکی اداکارہ مشہور ٹی وی سیریز ’گلی’ میں نمایاں کردار ادا کر چکی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More