پاکستان نے اپنا ایک اور قیمتی اثاثہ کھو دیا،سابق اولمپیئن ٹریفک حادثے میں جاں بحق

سچ ٹی وی  |  Jul 28, 2020

لاہور میں موٹر سائیکل پر سوار سابق اولمپیئن اسد ملک کو تیز رفتار کار نے ٹکر ماری جس کے نتیجے میں وہ شدید زخمی ہو گئے اور زخموں کی تاب نہ لاتے ہوئے جاں بحق ہو گئے۔

ٹریفک حادثے میں اسد ملک کی بیٹی بھی شدید زخمی ہوئیں جن کو مقامی اسپتال منتقل کر دیا گیا جہاں وہ زیر علاج ہیں۔

79 سالہ اسد ملک ٹوکیو اولمپکس 1964 کا سلور میڈل جیتنے والی پاکستان ہاکی ٹیم کا حصہ تھے اور اس کے علاوہ وہ میکسیکو اولمپکس 1968 کا گولڈ میڈل جیتنے والی ٹیم میں بھی تھے۔

سابق اولمپیئن میونخ اولمپکس 1972 کا سلور میڈل، جکارتہ کی ایشین گیمز 1962 کا گولڈ میڈل، بنکاک میں ہونے والی ایشین گیمز 1966 کا سلور میڈل اور بنکاک میں ہی ہونے والے ایشین گیمز 1970 کا گولڈ میڈل جیتنے والی پاکستان ہاکی ٹیم کا بھی حصہ تھے۔

اس کے علاوہ جب پاکستان نے 1971 میں پہلا ہاکی ورلڈ کپ جیتا تو اس وقت اسد ملک ٹیم کے نائب کپتان تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More