گلوکار شفقت امانت علی کے نئے گانے کی جھلک جاری

بول نیوز  |  Jul 31, 2020

پاکستان کے معروف گلوکار شفقت امانت علی  نے اپنے نئے گانے کی جھلک جاری کر دی ہے۔

اداکار شان شاہد نے گلوکار شفقت امانت علی کے ساتھ اپنے نئے پراجیکٹ کی ایک جھلک سوشل میڈیا پر شیئر کی ہے۔

romancing Pakistan ♥️🇵🇰 the sound of a love affair of the people of Pakistan with its beloved Pakistan…. coming soon..written by Shaan Shahid #5thelement music director Sajid ali and sung by ⁦⁦@ShafqatAmanatA⁩ pic.twitter.com/S23V1GzxpY

— Shaan Shahid (@mshaanshahid) July 30, 2020

شان شاہد نےمائیکرو بلاگنگ سائٹ ٹوئٹر پر ایک ویڈیو کلپ شیئر کی جس میں عالمی شہرت یافتہ گلوکار شفقت امانت علی اپنا نیا گانا گنگناتے نظر آرہے ہیں۔

ویڈیو کلپ شیئر کرتے ہوئے شان شاہد نے لکھا کہ پاکستانی عوام اور اپنے پیارے پاکستان کے ساتھ عشق و محبت کی آواز جلد آرہی ہے۔

اداکار نے بتایا کہ شفقت امانت علی کے اس نئے گانے کو اُنہوں نے یعنی شان شاہد نے تحریر کیا ہے جبکہ گانے کے ہدایتکار ساجد علی ہیں۔

دوسری جانب شفقت امانت علی نے شان شاہد کے ٹوئٹ کو ریٹوئٹ کرتے ہوئے لکھا کہ یہ گانا قوم کے ساتھ محبت کو بیان کرتے ہوئے لکھا گیا ہے۔

It’s been a huge pleasure singing the song which has been written with such love for the nation by @mshaanshahid and directed beautifully by Sajid Ali. Can’t wait for you all to hear it soon. https://t.co/pmm6Uo3gts

— Shafqat Amanat Ali (@ShafqatAmanatA) July 31, 2020

اس حوالے سے گلوکار نے لکھا کہ ساجد علی کی ہدایتکاری میں بننے والے اس خوبصورت گانے کو سُننے کے لیے انتظار نہیں کیا جاسکتا ہے

گزشتہ دنوں ہی شان شاہد اور شفقت امانت علی نے اپنے سوشل میڈیا پیغامات میں اعلان کیا تھا کہ وہ دونوں جلد ہی ایک پراجیکٹ میں ساتھ نظر آنے والے ہیں۔

یاد رہے کہ شان شاہد اور شفقت امانت علی کے پیغامات کے بعد دونوں کے مداحوں کی جانب سے اُن کے نئے پراجیکٹ کے لیے نیک خواہشات کا اظہار بھی کیا گیا تھا۔

واضح رہے کہ گلوکار شفقت امانت علی کے مداحوں کو ان کے اس نئے گانے کا شدت سے انتظار ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More