وزیراعظم کہیں نہیں جا رہے : شیخ رشید

نوائے وقت  |  Aug 01, 2020

راولپنڈی : وفاقی وزیر ریلوے شیخ رشید نے کہا ہے کہ وزیراعظم عمران خان کہیں نہیں جا رہے، حکومت اپنی مدت پوری کرے گی ۔

عیدالاضحیٰ کی نمازادائیگی کے بعد وزیر ریلوے شیخ رشید نے میڈیا سے گفتگو کرتے ہوئے کہا کہ ہم مانتے ہیں کہ مہنگائی ہوئی ہے، چینی آٹا امپورٹ کر کے اس پر سبسڈی دیں گے، اپوزیشن سمجھ لے،عمران خان کہیں نہیں جارہے، پاکستان مشکل وقت سے گزر رہا ہے۔ انہوں نے کہا کہ اپوزیشن 3 ماہ شور شرابا کرے گی، بلاول روز پریس کانفرنس کریں،ہمیں کوئی فرق نہیں پڑتا ہے ۔ نیب کےقانون میں ترمیم کرنے والا عمران خان آخری شخص ہوگا، جنہوں نے ملک کو لوٹا وہ چاہتے ہیں کہ نیب کے قانون میں ترمیم ہو، شہباز شریف سے اُمید ہے کہ وہ تدبر کا مظاہرہ کریں گے۔

وفاقی وزیر ریلوے کا کہناتھا کہ بڑی عید پر بڑی احتیاط کی ضرورت ہے، میری حالت کورونا کے بعد ابھی تک بہتر نہیں ہوئی ،امریکا جیسے ملک کی معیشت تباہ ہوگئی ہے ، پاکستان کی معیشت ایک امتحان سے گزر رہی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More