پنجاب پبلک سروس کمیشن نے پی پی ایس سی سے منسوب جعلی ویب سائٹ اور سوشل میڈیا پیجز کے خلاف کاروائی کا فیصلہ کر لیا۔ ترجمان پنجاب پبلک سروس کمیشن ڈپٹی ڈائریکٹر سید کاظم مقدس کاظمی کے مطابق عوام صرف پی پی ایس سی کی سرکاری ویب سائٹ اور اس پر دیے گئے تصدیق شدہ سوشل میڈیا لنکس پر اعتماد کریں۔
پی پی ایس سی نے واضح کیا ہے کہ امیدوار ہرگز اپنی ذاتی یا مالیاتی معلومات کسی بھی غیر مصدقہ پلیٹ فارم پر شیئر نہ کریں۔
کسی بھی مشتبہ لنک یا دھوکہ دہی کی اطلاع فوری طور پر متعلقہ اداروں یا پی پی ایس سی کو دیں۔
تمام بھرتیوں، اشتہارات، ٹیسٹ شیڈولز، رول نمبر سلپس اور نتائج کی معلومات صرف سرکاری چینلز کے ذریعے جاری کی جاتی ہیں۔
پی پی ایس سی کسی بھی غیر سرکاری ذرائع سے رابطے پر ہونے والے نقصان یا مسائل کی ذمہ داری قبول نہیں کرے گا۔