فاسٹ بالرز کم تجربہ کار لیکن ٹیلنٹڈ ہیں، اظہر علی

بول نیوز  |  Aug 04, 2020

قومی ٹیسٹ کرکٹ ٹیم  کے کپتان اظہر علی کا کہنا ہے کہ  ہمارے فاسٹ بالرز کم تجربہ کار ہیں لیکن ان میں بہت ٹیلنٹ موجود ہے۔

قومی ٹیسٹ ٹیم کپتان اظہر علی  کا ویڈیو لنک پریس کانفرنس   میں کہا تھا کہ گذشتہ میچوں میں میری کارکردگی اچھی نہیں رہی ،  اپنی بیٹنگ پر بہت محنت کی ہے امید ہے اچھا پرفارم کروں گا۔

اظہر علی نے کہا کہ  بطور سینئر کھلاڑی اسد شفیق اور میری پرفارمنس بہت اہم ہوگی۔

انہوں نے کہا کہ کورونا وائرس  نے زندگی کے ساتھ ساتھ چلنا ہے ۔ ہم خوش قسمت ہیں کہ کرکٹ کھیلنے جارہے ہیں،ہمیں جو سہولیات ملیں  اس کے مطابق اچھی تیاری کی ہے۔ کرکٹر کو ہر طرح کے چیلنج کا سامنا کرنا پڑتا ہے۔

قومی ٹیسٹ ٹیم کے کپتان کا کہنا ہے کہ  ہمارے فاسٹ بالرز کم تجربہ کار ہیں لیکن ان میں بہت ٹیلنٹ موجود ہے جبکہ ہماری بیٹنگ لائن کافی مضبوط ہے جس کا فائدہ ہوگا۔

اظہر رعلی نے کہا  کہ انگلینڈ ٹور ہمیشہ سے سب سے مشکل چیلنج رہا ہے اور اب بھی ہے۔ پچھلے ٹور سے بہت کچھ سیکھا اور اس مرتبہ بہت کچھ سیکھ کر بہتر کر رہے ہیں۔

انہوں نے کہا کہ خوش قسمت ہوں کہ میری کپتانی میں اچھے بالرز آئے ہیں جو کسی بھی ٹیم کوخوف میں مبتلا کر سکتے ہیں۔اگر انگلینڈ جیسی ٹیم کو شکست دینی ہے تو ہر شعبہ میں آؤٹ کلاس کھیل پیش کرنا ہوگا۔

قومی کپتان کا کہنا ہے کہ اسپنرز کا رول بہت اہم ہوگا لیکن بلے بازوں کا اچھا کھیل پیش کرنا بہت ضروری ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More