پاکستانی اداکارہ آمنہ شیخ نے ایک عربی سے شادی رچا لی، تصاویر سوشل میڈیا پر وائرل

سچ ٹی وی  |  Aug 09, 2020

آمنہ شیخ نے اپنی زندگی کے نئے فیصلے کا اعلان کیا، اور ذرائع نے بتایا کہ آمنہ شیخ نے کوڈڈ مائنڈز کے بانی اور انٹرنیٹ جینئس عمر فاروقی سے شادی کی اور آمنہ کے قریبی ذرائع نے بھی اس بات کی تصدیق کی کہ پہلی شادی سے چار سالہ بیٹی کی والدہ نے عمر فاروقی سے شادی کرلی۔

رپورٹ کے مطابق سعودی شہری عمر فاروقی دبئی میں مقیم ہیں۔ وہ سرمایہ کار اور بچوں کو گیم بنانا سکھاتے ہیں۔ عمر اور اس کی ٹیم نے 4 سے 16 سال عمر کے بچوں کے لیے ان ہائوس 35 کوڈنگ کورس تیار کیے۔ 

آمنہ شیخ کے پاس بھی امریکہ کی شہریت ہے۔ اپنی ایک اور پوسٹ میں اداکارہ نے لفظ ’فیملی‘ کی وضاحت کی۔ جس میں انہوں نے لکھا کہ فیملی ایک نعمت ہے۔ آمنہ نے فیملی کو ایک ایسا گروہ قرار دیا، جو ساتھ خواب دیکھتا ہے، کھیلتا ہے، ہنستا ہے اور غم و خوشی میں شریک رہتا ہے۔

آمنہ شیخ کی تصاویر سامنے آنے کے بعد اداکارہ سجل علی نے بھی مبارکباد دی۔ اس سے پہلے آمنہ شیخ انگوٹھیوں کی تصاویر بھی شیئر کرچکی ہیں لیکن ساتھ کچھ لکھا نہیں۔

جس کی وجہ سے مداح شش و پنج میں مبتلاء تھے۔ تصویر میں تین ہاتھ ہیں جن میں سے ایک ہاتھ چھوٹا ہے جو بچی کا محسوس ہو رہا ہے۔ بچی کے ہاتھ کی ہتھیلی پر دو انگوٹھیاں رکھی ہوئی ہیں۔

آمنہ شیخ کی جانب سے شیئر کی گئی اس تصویر پر کوئی کیپشن نہیں دیا گیا ہے اور نا ہی کوئی ایموجی استعمال کیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More