یاسر شاہ کیخلاف نامناسب زبان، اسٹیورٹ براڈ پر والد نے جرمانہ کردیا

روزنامہ خبریں  |  Aug 12, 2020

پاکستانی لیگ اسپنر یاسر شاہ کے خلاف پہلے ٹیسٹ میں نامناسب زبان استعمال کرنے پر میچ ریفری نے  انگلینڈ کے فاسٹ بولر اسٹیورٹ براڈ کو سزا سنادی۔

انٹرنیشنل کرکٹ کونسل (آئی سی سی)  اعلامیے کے مطابق اسٹیورٹ براڈ نے یاسر شاہ کو آؤٹ کرنے کے بعد نامناسب زبان استعمال کی تھی اور انہوں نے  اپنی غلطی بھی تسلیم کرلی ہے۔

 یہ واقعہ مانچسٹر ٹیسٹ کی دوسری اننگز  میں پیش آیا تھا جس میں یاسر شاہ کو آؤٹ کرنے کے بعد فاسٹ بولر نے ان کے خلاف نامناسب الفاظ استعمال کیے تھے۔

اعلامیے کے مطابق  ضابطہ اخلاق کی خلاف ورزی پر اسٹیورٹ براڈ  پر میچ فیس کا15 فیصد جرمانہ کیا گیا ہے۔

رپورٹ کے مطابق  یہ سزا اسٹیورٹ براڈ  کے والد اور  سابق انگلش اوپنر کرس براڈ کی جانب سے سنائی گئی ہے جو اس میچ میں ریفری کے فرائض انجام دے رہے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More