بابر اعظم کی کاؤنٹی کرکٹ میں شاندار کارکردگی

سچ ٹی وی  |  Sep 17, 2020

تفصیلات کے مطابق قومی ون ڈے اور ٹی ٹوینٹی ٹیم کے کپتان بابر اعظم نے وائٹلٹی بلاسٹ میں گلیمورگن کی نمائندگی کرتے ہوئے ناقابل شکست شاندار سنچری اسکور کی۔

گلیمورگن کی جانب سے بیٹنگ کرتے ہوئے بابر اعظم نے 62 گیندوں پر 114 رنز کی میچ وننگ اننگز کھیلی، بابر کو شاندار کارکردگی پر میچ کا بہترین کھلاڑی قرار دیا گیا۔

بابر اعظم کی اننگز میں 9 چوکے اور پانچ بلند و بالا چھکے شامل تھے، بابر کا 114 رنز ٹی ٹوینٹی کیریئر کا سب سے بڑا اسکور ہے۔

واضح رہے کہ بابر اعظم نے ٹی ٹوینٹی کرکٹ میں پانچ ہزار رنز بنانے والے دنیا کے تیسرے تیز ترین کھلاڑی بھی بن گئے ہیں، انہوں نے 145 اننگز میں یہ سنگ میل عبور کیا۔

T20 career best 114* from 62 balls ? Brilliant @babarazam258 ??pic.twitter.com/ENYGTGCCmQ

— Pakistan Cricket (@TheRealPCB) September 16, 2020اس سے قبل آسٹریلیا کے شان مارش 144 اور کرس گیل 132 اننگز میں پانچ ہزار رنز بناچکے ہیں۔

بابراعظم ٹی 20 میں 5 ہزار رنز بنانے والے چھٹے پاکستانی بیٹسمین ہیں، اس سے قبل شعیب ملک، محمد حفیظ، کامران اکمل، احمد شہزاد اور عمر اکمل بھی 5 ہزار رنز مکمل کر چکے ہیں۔

سنہ 2016 میں انگلینڈ کے خلاف اپنا ٹی 20 ڈیبیو کرنے والے بابر اعظم 29 ٹیسٹ، 74 ون ڈے، اور 41 ٹی 20 میچز کھیل چکے ہیں۔

وہ اب تک ٹیسٹ میں 2 ہزار 45 اور ون ڈے میچز میں 3 ہزار 359 رنز بنا چکے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More