یہ ظاہرمت کریں کہ آپ ٹھیک ہیں،سائرہ یوسف

سماء نیوز  |  Oct 17, 2020

تصویر: سائرہ یوسف/ انسٹاگرام

تقریبا ہر شخص اپنی زندگی میں کسی نہ کسی طرح کے ذہنی تناؤ سے گذرتا ہے ، لیکن اس کے بارے میں بات کرنا پسند نہیں کرتا ہے۔ اداکارہ سائرہ یوسف کی خواہش ہے کہ سب جان لیں، کسی سے ذہنی صحت کے بارے میں بات کرنا ٹھیک ہے۔

وی جے انوشے اشرف نے اضطراب ، افسردگی اور تناؤ جیسے مسائل کے حوالے سے شعور اجاگر کرنے کیلئے اپنی پسندیدہ 10 شخصیات سے بات کی ہے۔

انوشے نے انسٹاگرام پوسٹ میں لکھا ” میں نے چند ایسی شخصیات سے جن کی میں خود بہت بڑی پرستارہوں، پوچھا کہ وہ کس طرح سے کم یا شدید ذہنی دباؤ / اضطراب کا مقابلہ کرتے ہیں اوراسی قسم کی جدوجہد کا سامنا کرنے والوں کیلئے کیا پیغام دینا چاہتے ہیں”۔

اس سلسلے کے 10 حصوں کی پہلی قسط میں انوشے نے اپنے مداحوں کیلئے سائرہ یوسف کا نقطہ نظر سامنے رکھا۔

View this post on InstagramSo I asked a few people I’m a big fan of myself to talk about how they cope in times of mild to extreme depression/anxiety and what they’d like to say to each of you experiencing any sort of struggle at this point in time. Remember, it’s OK not to be OK. Starting this 10 part series with the lovely Syra Yusuf ❤️Will be sharing messages from more friends sooner than later. Thank you for this @sairoz #mentalhealthawareness #anxiety #depression

A post shared by Anoushey Ashraf (@anousheyashraf) on Oct 14, 2020 at 11:05pm PDT

سائرہ یوسف کا کہناہے کہ ” سب سے پہلے آپ کو یہ جاننے کی ضرورت ہے کہ آپ جدو جہد کررہے ہیں۔ بہت سے لوگ اپنی پریشانیوں سے انکار کرتے ہوئے یہ ظاہر کرتے ہیں جیسے وہ ٹھیک ہیں۔ لیکن جب تک آپ اس چیز کو تسلیم نہیں کریں گے آپ واقعی اس پرکام نہیں کرسکتے”۔

اپنے حوالے سے بات کرتے ہوئے سائرہ کا کہناتھا کہ کسی سے بات کر کے اپنے خیالات کو پرسکون کرنے میں مدد ملی، انہوں نے زور دے کر کہا کہ یہ سمجھنا ضروری ہے کہ آپ کو کیسا لگتا ہے اور اس کے پیچھے وجہ کیا ہے۔

نورے کی سالگرہ پر سائرہ یوسف کی خصوصی پوسٹ

ذہنی تناو کا سامنا کرنے والوں کیلئے سائرہ نے واضح کیا ” آپ تنہا نہیں ہیں، ہرکوئی اپنی زندگی کے کسی نہ کسی موقع پراس کا سامنا کرتا ہے، یہ کم یا زیادہ ہوسکتا ہے۔ ہر ایک کی جدوجہد مختلف ہوتی ہے۔ سب کا بچپن، حالات و واقعات اور محرکات مختلف ہوتے ہیں”۔

انہوں نے زوردے کر کہا کہ ” یہ ضروری ہے کہ لوگ کسی سے کھل کربات کریں۔ وہ یہ بتانا نہیں چاہتے کہ وہ اس سے لڑرہے ہیں۔ میرے خیال سے اس حقیقت کے بارے میں بات کرنا اہم ہے چاہے یہ مسئلہ آپ کے دوستوں، فیملی ممرز یا کسی کولیگ کے ساتھ ہو”۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More