سعودی ولی عہد محمد بن سلمان کا روسی صدر پوتین سے کووِڈ-19کی ویکسین پر تبادلہ خیال

العربیہ  |  Oct 18, 2020

سعودی عرب کے ولی عہد شہزادہ محمد بن سلمان نے روسی صدر ولادی میر پوتین سے ٹیلی فون پر بات چیت کی ہے اور ان سے کوِڈ-19 کے علاج کے لیے روس کی تیار کردہ نئی ویکسین سپوتنک اور اس کے استعمال کے بارے میں تبادلہ خیال کیا ہے۔

روس میں تیار کردہ کووِڈ-19 کی اس ویکسین کی اس وقت متحدہ عرب امارات میں انسانوں پر دوسری آزمائش کی جارہی ہے۔سپوتنک پنجم کا پہلا انسانی ٹرائل بیلارس میں کیا گیا ہے۔اس کی دوسری انسانی آزمائش کے نومبر کے آخر میں نتائج متوقع ہیں۔

روسی حکومت نے اگست میں اس کی ملک میں استعمال کی منظوری دی تھی۔اس کے بعد ماسکو میں چالیس ہزار رضاکاروں پر اس کو آزمایا گیا ہے۔اماراتی وزارت صحت نے گذشتہ ہفتے ملک میں اس کے ٹرائل کی منظوری دی ہے۔اس پروگرام پر مقامی لیبارٹری ’پیورہیلتھ ‘عمل درآمد کررہی ہے جبکہ روس کا خود مختار دولت فنڈ بیرون ملک کرونا وائرس کی اس ویکسین کی مارکیٹنگ کا ذمہ دار ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More