کراچی میں واٹر سپلائی سسٹم کو بہتر کرنے پر اتفاق

بول نیوز  |  Nov 01, 2020

کراچی شہر میں واٹر سپلائی سسٹم کو بہتر کرنے پر اتفاق کرلیا گیا ہے۔

تفصیلات کے مطابق وزیراعلیٰ سندھ سید مراد علی شاہ کی صدارت میں پروونشل کورآرڈینیشن اینڈ امپلیمنٹیشن کمیٹی ( پی سی آئی سی ) کراچی کی ڈیوپلمنٹ کمیٹی کا اجلاس ہوا ہے جس میں کراچی میں واٹر سپلائی سسٹم کو بہتر کرنے پر اتفاق کیا گیا ہے۔

اجلاس کے دوران والیمین والے سسٹم کو بہتر کرنے، غیر قانونی کنکشن ختم کرنے اور ہائیڈرنٹس بند کرنے کا فیصلہ کیا گیا ہے جبکہ کے ۔ فور پروجیکٹ کی تمام رکاوٹیں دور کر کے دوبارہ کام شروع کرنے کا فیصلہ بھی کیا گیا ہے۔

اجلاس میں ڈی جی پی پی پی کو ہدایت کی گئی کہ کراچی سائوتھ اور حب واٹر سسٹم کو پی پی پی موڈ پر شروع کرنے کے لیے پلان بنائیں۔

علاوہ ازیں اجلاس میں فیصلہ ہوا کہ لوکل گورنمنٹ ڈپارٹمنٹ ایس تھری پروجیکٹ کو ریوائز کرے گا اور کے ایم سی ایڈمنسٹریٹر کو ہدایت دی گئی کہ وہ گھوسٹ ملازمین سے نجات حاصل کریں تاکہ کے ایم سی کو ایک بہترین ادارہ بنائیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More