سعودی فرمانروا شاہ سلمان کا ترک صدر رجب طیب اردوان سے رابطہ

بول نیوز  |  Nov 21, 2020

سعودی فرمانروا شاہ سلمان بن عبد العزیز نے ترک صدر رجب طیب اردوان سے جی 20 اجلاس سے قبل ٹیلی فونک رابطہ کیا ہے۔

خبر ایجنسی کے مطابق شاہ سلمان نے رجب اردوان سے ٹیلی فونک رابطے میں جی 20 کانفرنس سے متعلق امور پر تبادلہ خیال کیا ہے۔

اس موقع پر دونوں مملک کے سربراہان کے مابین تعلقات کے فروغ اور استحکام پر بھی  بات چیت ہوئی۔

سعودی عرب رواں سال جی 20 اجلاس کی میزبانی کر رہا ہے اور عالمی وبا کورونا وائرس کے سبب اجلاس ورچوئل کیا جا رہا ہے۔

جی 20 اجلاس میں کورونا وبا اور معاشی بحران پر بحث ایجنڈے پر ہے۔ جی 20 اجلاس میں امریکی صدر ڈونلڈ ٹرمپ بھی وڈیو لنک کے ذریعے شریک ہوں گے۔

سعودی وزیر خزانہ کا کہنا ہے کہ عالمی معاشی بحالی کے لیے عالمی تعاون مضبوط کرنے کی کوشش کی جائے گی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More