افغانستان کرکٹ ٹیم کے دورہ پاکستان کا امکان

ہم نیوز  |  Nov 22, 2020

لاہور: پاکستان کرکٹ بورڈ (پی سی بی)  کے چیف ایگزیکٹو وسیم خان نے کہا ہے کہ وزیراعظم عمران خان نے افغانستان ٹیم کو دورے کی دعوت دی ہے، جسے ممکن بنانے کے لیے فیوچر ٹور پروگرام میں سے ونڈو نکالیں گے۔

اپنے بیان میں  وسیم خان نے کہا ہے کہ پاکستان نے شروع سے ہی افغان کرکٹ کی معاونت کی ہے،کرکٹ کی بہتری کے لیے افغانستان کا ترقی کرنا بڑی اہمیت کا حامل ہے۔

انہوں نے کہا ہے کہ سیریز کے لیے ونڈو نکالنے کے لیے افغانستان کے ساتھ جلد بات چیت کا آغاز کریں گے۔

ان کا کہنا تھا کہ افغانستان کے کھلاڑی ڈومیسٹک کرکٹ پاکستان میں کھیلتے رہے ہیں۔

‏وسیم خان کا کہنا تھا کہ کوویڈ 19 کی وجہ سے اخراجات بڑھے ہیں ، لیکن یہ اخراجات نہیں بلکہ سرمایہ کاری ہے۔ کھیلوں کی سرگرمیاں ہونے سے ملکی معیشت پر مثبت اثرات پڑتے ہیں۔

انہوں نے کہا کہ پی ایس ایل 6 اور ساوتھ افریقہ سیریز سے بھی سرمایہ کاری ہو گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More