انٹر بینک میں ڈالر 81 پیسے سستا

ہم نیوز  |  Nov 25, 2020

کراچی: کاروباری ہفتے کے تیسرے روز  انٹر بینک میں ڈالر پاکستانی کرنسی کے مقابلے میں 81 پیسے سستا ہوگیا۔

فاریکس ڈیلرز ایسوسی ایشن کے مطابق کاروباری روز کے اختتام پر انٹر بینک میں ڈالر 159.28 پیسے پر بند ہوا۔

خیال رہے کہ عالمی وبا کورونا وائرس کے دوران پاکستان کی کامیاب پالیسیوں کاعالمی سطح پر اعتراف کیا گیا ہے۔ پاکستان کورونا پر قابو پاکر سب سے کم معاشی نقصان اٹھانے والا ملک بن گیا ہے۔

اس حوالے سے ورلڈ اکنامک فورم نے’پاکستان اسٹریٹیجی ڈے‘ منانے کا اعلان کیا ہے۔ وزیراعظم عمران خان کورونا سے بچاؤ کی اسٹریٹیجی سے عالمی معاشی فورم کو آگاہ کریں گے۔

عالمی فورم نے یہ تسلیم کیا ہے کہ کورونا سے بچاو کی بہترین حکمت عملی کرنے پر پاکستان کامیابیوں میں سب پر سبقت لے گیا ہے۔

مزید پڑھین: 

کورونا وائرس کے خلاف کامیاب پالیسیوں کے اعتراف میں ورلڈ اکنامک فورم نے 25 نومبر کا دن پاکستان کے نام کیا ہے۔

صدر ڈبلیو ای ایف وزیراعظم عمران خان کا ویڈیو لنک کے ذریعے لائیو انٹرویو بھی کریں گے۔ دنیا بھر کے سرمایہ کار، کمپنیوں کے چیف ایگزیکٹو بھی وزیراعظم عمران خان سے سوال کرسکیں گے۔

وزیراعظم بتائیں گے کہ کورونا کے دوران کن پالیسیوں کے سبب پاکستان کا معاشی نقصان کم رہا۔ پاکستان دنیا کا واحد ملک ہے جہاں حکومت کی حکمت عملی سے حالات اس قدر بہتر ہوئے کہ کاروبار زندگی کو مکمل طور پر بحال کر دیا گیا۔

دنیا میں کورونا کی پہلی لہر کے دوران پاکستان کو سب سے کم اقتصادی ہوا۔ ذرائع کا کہنا ہے کہ ورلڈاکنامک فورم کے ساتھ ویڈیو انٹرویو کے دوران مشیرخزانہ عبدالحفیظ شیخ اور اسد عمر بھی کورونا کے دوران اپنائی گئی حکمت پر اظہار خیال کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More